Isang tinig
Na mahiwaga
Ang pumukaw
Sa kamalayan.
Maghintay ka,
Matatapos din.
Ang pait
Ang sakit
Hawakan ang pag-ibig
Suungin muli ang panganib
Humakbang
Lumakad
Tingnan ang pedestal,
Inilatag sa harapan,
Pinapangarap andiyan,
Busilak na pagmamahal.
Kumikinang ang bawat hawakan,
Kahit gaano pa ang kalawang,
Sa pag-ibig na dalisay,
Ang nakaraan walang saysay.
Handa ka na ba?
