Kandungan

Para kay Kuya Ching (ito'y kathang isip lamang, walang katotohanan!)

Nagpapakasarap sa hain ni Eba,

Nakalatag na putahe kakaiba,

Sinasabayan pa ng indayog na maganda,

Musikang pumailanlang, nahalina.

Ang Adan nagtampisaw sa saya,

Ninamnam ang lahat walang itinira,

Kinalimutan ang anak at asawa,

Siya daw binata at walang pamilya.

Ang maybahay ulirang ina,

Lahat ginagawa, anak inaaruga,

Asawa pinagsisilbihan buong pusong kinakalinga,

Ngunit pundasyon ng kasal malapit ng masira.

Ang uod sumasayaw sa tukso,

Adan nawiwili, pagtatampisaw naitatago,

Lumangoy sa ligaya, inangkin ng lubos ang bago,

Sumisid sa kailaliman, isip ngayon nalilito.

Ang Adan hindi pa makuntento,

Ang isa naging tatlo umabot pa sa walo,

Nabulag ng pagkakataon at pagnanasang makamundo,

Nakalimutan ang sampung utos dinagdagan ng bago.

Ang kama sumasayaw , umuuga,

Pinagsaluhan bawal na ligaya,

Gabing mga nakaw nakasanayan na,

Inangking bawal ay isa ng tama.

Ang kandungan ng iba nagpapainit ng dugo,

Dagdag pogi points sa pagiging macho,

Ngunit hindi na alam saan magtatapos ito,

Ang karma dumarating katulad ng delubyo.

Share this

Bhing

• Follow Me:
• Facebook
• Twitter
• Google+
• LinkedIn

Receive Quality Articles Straight in your Inbox by submitting your Email below.